Concellos
O Plan Revitaliza, iniciado en 2015, pretende impulsar un modelo de residuos baseado na compostaxe e no tratamento a quilómetro cero dos biorresiduos municipais. A súa razón de ser é que os concellos da provincia cumpran os obxectivos fixados na normativa europea, estatal e autonómica en canto a porcentaxes de residuos orgánicos recollidos e aproveitados.
Nestes momentos hai 47 concellos adheridos ao Plan Revitaliza en diferentes fases. Nove deles (Vilaboa, As Neves, Mondariz, Mondariz-Balneario, O Grove, Tomiño, Valga, A Illa de Arousa e Pontevedra, xa co seu propio plan) están a traballar para implantar a compostaxe como modelo de xestión de lixo en todo o seu territorio. O resto de municipios adheridos contan con centros de compostaxe comunitaria e composteiros individuais ou están en proceso de instalación.
FASES
Para poñer a andar o Plan Revitaliza a Deputación abriu unha serie de subvencións e liñas de axudas para os concellos.
FASE I. ETAPA DEMOSTRATIVA
A finais de 2015 a Deputación organizou unha viaxe a Navarra e ao País Vasco na que representantes dos concellos da provincia puideron coñecer como se aplicaba a compostaxe en municipios de características e dimensións moi similares ás súas. Este xerme foi fundamental para que os gobernos locais de Pontevedra se apuntasen á compostaxe.
A partir de aí iniciouse unha primeira fase do Plan Revitaliza que permitiu instalar nos concellos máis de 50 centros de compostaxe comunitaria demostrativos: o obxectivo era demostrarlle á veciñanza que a compostaxe tamén podía ser un éxito na provincia de Pontevedra. Abriuse para iso unha liña de subvencións na que participaron 21 concellos aos que a Deputación lles cedeu composteiros comunitarios, que a día de hoxe funcionan perfectamente, cos parabéns das veciñas e dos veciños participantes.
Os concellos que comezaron a "aventura Revitaliza" en 2015 foron Baiona, Barro, Bueu, Caldas de Reis, Cambados, Cangas, Gondomar, O Grove, A Illa de Arousa, Moaña, Ponteareas, Pontevedra, Redondela, Ribadumia, Salceda de Caselas, Sanxenxo, Soutomaior, Tomiño, Tui, Vilaboa e Vilagarcía de Arousa.
Liñas de axuda á compostaxe comunitaria
-
Bases (BOPPO 18/11/2015)
-
Ampliación do prazo de presentación de solicitudes (BOPPO 15/01/2016)
-
Consultas sobre as bases do programa de compostaxe comunitario (pdf)
FASE II. ADHESIÓN E COMPROMISO
Tras demostrar que a compostaxe dos biorresiduos nos concellos da provincia é perfectamente viable, a Deputación de Pontevedra comezou unha nova fase para facilitarlles aos municipios a súa implantación como sistema global.
A segunda fase do Plan Revitaliza esixíalles aos concellos unha adhesión e compromiso formal para tratar a fracción orgánica do lixo mediante a compostaxe. Unha vez formalizada esta adhesión, cada municipio puido beneficiarse de tres liñas de colaboración: formación do persoal, elaboración dun plan de residuos e subvención de compra de composteiros para os concellos que decidiran pasarse ao 100 % á compostaxe antes de 2020.
En xullo de 2017 adheríronse Baiona, Barro, Bueu, Caldas de Reis, Cambados, Campo Lameiro, Cangas, Catoira, Cuntis, O Grove, Moaña, Mondariz, Mondariz-Balneario, As Neves, Oia, Ponte Caldelas, Ponteareas, Pontevedra, O Porriño, Rodeiro, O Rosal, Salvaterra de Miño, Silleda, Soutomaior, Tomiño, Tui, Valga, Vilaboa e Vilagarcía de Arousa.
En novembro de 2017 abriuse unha nova quenda de adhesión, na que se incorporaron os concellos de Gondomar, A Illa de Arousa, Lalín, Redondela, Ribadumia, Salceda de Caselas e Sanxenxo.
Na última fase de adhesión de 2018 uníronse os concellos de Cerdedo-Cotobade, Covelo, A Guarda, Poio, Portas e Vila de Cruces, e decidiron dar o salto á implantación global A Illa de Arousa, Bueu, Cangas e Moaña (como mancomunidade), Poio, Ponteareas, Tomiño e Valga. Finalmente están a desenvolver a liña 2 de implantación os concellos de Tomiño, Valga e A Illa de Arousa.
En 2019 formalizaron a súa adhesión ao Plan Revitaliza os concellos de Marín e Meis e no 2021 o concello de Meaño.
Axudas 2017
A liña de axudas económicas tivo en 2017 unha partida de 1.250.000 euros que permitiu subvencionar a compra de composteiros individuais e comunitarios para os concellos que apostaron por implantar de xeito global a compostaxe na totalidade do municipio (Vilaboa, Mondariz, Mondariz-Balneario, As Neves e O Grove) con achegas do 90 %.
-
Bases de adhesión ao Plan Compost Revitaliza e liñas de subvención (BOPPO 18/10/2016)
-
Extracto do acordo polo que se convocan as subvencións (BOPPO 19/10/2016 )
-
Convocatoria de subvencións para a consolidación do Plan Compost Revitaliza (BOPPO 04/12/2017)
Axudas 2018
A normativa europea establece que antes do ano 2020 é preciso preparar para reciclar e reutilizar o 50 % dos residuos municipais e a próxima lei estatal obrigará a compostar ou recoller o 100 % dos biorresiduos, previsiblemente no ano 2020. Ante estas novidades a Deputación abriu unha nova liña de actuación en 2018, grazas á cal os concellos poderán aplicar a compostaxe de xeito gradual e/ou por zonas dentro dos seus municipios.
-
Económicas
As axudas económicas da nova convocatoria, aínda en fase de valoración, chegarán aos 2.000.000 euros e representarán o 65 % do gasto municipal.
-
Bases (BOPPO 01/08/2018)
-
Extracto da convocatoria (BOPPO 02/08/2018)
-
Ampliación do prazo para a presentación de solicitudes (BOPPO 31/10/2018)
-
Subvenciós concedidas en agosto (BOPPO 02/09/2019)
-
Material
A Deputación está a repartir novos módulos de centros de compostaxe comunitaria (400) e tamén composteiros individuais (1.200) nos concellos adheridos. Tamén se prevé repartir composteiros de terraza ou balcón.
-
Persoal
A Deputación tamén subvenciona a contratación de persoal en réxime interino por execución de programa nos concellos para darlles servizo aos centros de compostaxe.
-
Bases (BOPPO 26/04/2018)
-
Extracto de la convocatoria (BOPPO 27/04/2018)
- Elección de proxectos para o seguimento da compostaxe individual no ámbito territorial do concello de Pontevedra
-
O prazo para a presentación dos proxectos será de dez (10) días hábiles, contados desde o día seguinte ao da publicación da convocatoria no Boletín Oficial da Provincia de Pontevedra
-
Bases (BOPPO 03/12/2018)
-
Extractos da convocatoria (BOPPO 03/12/2018)
Axudas 2019
A Deputación tamén subvenciona a contratación de persoal en réxime interino por execución de programa nos concellos para darlles servizo aos centros de compostaxe.
-
Bases (BOPPO 12/11/2019)
-
Extracto da convocatoria (BOPPO 12/11/2019)
Axudas 2021
A Deputación tamén subvenciona a contratación de persoal en réxime interino por execución de programa nos concellos para darlles servizo aos centros de compostaxe.
-
Bases (BOPPO 20/04/2021)
-
Extracto da convocatoria (BOPPO 20/04/2021)
-
Subvencións concedidas (xuño) (BOPPO 21/07/2021)
-
Solicitude electrónica